Komuna e Lipjanit, konkretisht Drejtoria për Shëndetësi dhe Përkujdesje Sociale, së fundi ka pranuar një donacion nga fondacioni AGAPE nga Suedia në vlerë rreth 50 mijë euro e cili donacion përfshinë pajisje ndihmëse për përsonat me nevoja të veçanta si: shtretër, karroca mjete ndihmëse për ecje etj.
Avdullah Fazliu, drejtor i Drejtorisë për Shëndetësi dhe Përkujdesje Sociale, ka falenderuar përfaqësuesit e fondacionit AGAPE, duke thënë se kjo nuk është hera e parë që po përfitojmë ndihma nga ky fondacion, të cilat kryesisht janë për persona me nevoja të veçanta. Ai ka shtuar se kjo është një ndihmë shumë e mirëpritur sepse përsonave me aftësi të kufizuara po ju krijohen lehtësira edhe me të mëdha në jetën dhe mirëqenien e tyre.