Shtetet e Bashkuara të Amerikës, kanë dërguar një luftanije dhe një task forcë në Lindjen e Mesme, në mënyrë që “të dërgojë një mesazh të qartë dhe të pagabueshëm për regjimin e Iranit” tha Këshilltari Kombëtar i Sigurisë, John Bolton.
Bolton tha se dërgimi ishte përgjigje për “provokimet dhe paralajmërimet” që Teherani i kishte dërguar SHBA’së, raporton Fox News, transmeton Gazeta Express.
“Çdo sulm ndaj interesave të SHBA’së ose ndaj aleatëve të saj, do t’i përgjigjemi me forcë. Ne nuk kërkojmë luftë me regjimin iranian, por ne jemi tërësisht të përgatitur në raste se duhet t’i përgjigjemi ndonjë sulmi” tha Bolton.
Ky lajm vjen një muaj pasi që Donald Trump, e shpalli Gardën Iraniane si një organizatë terroriste, e që më pas edhe Irani iu përgjigj duke e njohur ushtrinë amerikane, si terroriste.
Tensionet mes dy vendeve janë rritur ndjeshëm, si pasojë e kërcënimeve të shumta nga të dyja palët./GazetaExpress/