SHBA-ja, Japonia dhe Koreja Jugore kanë nisur stërvitje të reja dyditore në Gadishullin Korean, për t’i ushtruar aftësitë gjithëpërfshirëse të marinës në zbulimin dhe gjurmimin e raketave të mundshme balistike të Koresë Veriore, sipas Shefave të Shtabit të Përgjithshëm Koreanojugor.
Ushtrimi dyditor “Paralajmërimi Raketor”, i cili do të mbahet sot dhe nesër pranë bregdeteve koreanojugore dhe japoneze, është i dizajnuar ta luftojë kërcënimet raketore dhe bërthamore të Koresë Veriore, transmeton Express.
Stërvitjet janë duke u udhëhequr nga shkatërruesi amerikan “Arleigh Burke—class USS Stethem”, shkatërruesi koreanojugor dhe shkatërruesi japonez, të cilët janë të pajisur me sistem mbrojtës luftarak, sipas Yonhap.
SHBA-ja dhe aleatët e saj nuk planifikojnë ta testojnë një simulim kompjuterik për të kontrolluar aftësitë e shkatërruesve për zbulimin, gjurmimin dhe shkëmbimin e informatave mes tri marinave në kohë reale përmes sateliteve.
Stërvitjet në Gadishullin Korean nisin midis tensioneve të larta për shkak të testeve raketore dhe bërthamore të Penianit
