Shtetet e Bashkuara kanë dërguar aeroplanë shtesë luftarakë për të patrulluar mbi qiejt e anëtarëve e NATO-s, Lituanisë, Letonisë dhe Estonisë, gjatë stërvitjeve të mëdha ushtarake të Rusisë në rajonin e Baltikut muajin e ardhshëm.
Lojërat e luftës të koduara “Zapad 2017” do të mbahen nga 14 deri 20 shtator në Bjellorusi, në perëndim të Rusisë dhe enklavën e Rusisë, Kaliningard, po ashtu kanë shkaktuar shqetësime në rajon, edhe pse Rusia ka thënë se stërvitjet e mëdha do të jenë të një skenarit të mbrojtjes dhe nuk do të jenë parapërgatitje për pushtim, transmeton Express.
Shtatë aeroplanë ushtarakë “U.S. F-15C” ateruan në fushëajroren “Siauliani” gjatë kësaj jave dhe misioni i tyre do të jetë t’i patrullojnë qiejt mbi vendet baltike, për edhe tre muaj më shumë se normalisht qëkur misioni patrullues i NATO-s u përmirësua pas krizës së Krimesë në vitin 2014.
Tri shtetet baltike nuk operojnë me aeroplanët e vet luftarakë dhe mbështetën në ata të aleatëve të NATO-s për patrullime. /Express/
