SHBA-ja është në kontakt të drejtpërdrejt me Korenë Veriore, ka thënë sekretari i Shtetit i SHBA-së, Rex Tillerson.
Tillerson ka theksuar se Uashingtoni është duke e hetuar mundësinë për bisedime me Penianin, transmeton Express.
“Kemi linja komunikimi me Penianin”, ka thënë Tillerson gjatë një vizite në Kinë.
“Nuk ndodhemi në një situatë të errët”, ka shtuar ai.
Muajve të fundit ekziston një retorikë e ashpër mes Koresë Veriore dhe SHBA-së dhe më herët nuk ka qenë e ditur se këto dy vende kishin linja komunikimi.
“Përkundër garantimit se SHBA-ja nuk është e interesuar të promovojë rënien e regjimit aktual, zyrtarët e Koresë Veriore nuk kanë treguar indikacione se janë të interesuar për apo janë të gatshëm për bisedime për denuklarizim”, ka thënë zëdhënësja e departamentit të Shtetit, Heather Nauert.
