Selatin Retkoceri përmes një postimi në facebook, ka njoftuar opinionin publik se ka dhënë dorëheqje nga pozita e asambleisit në Kuvendin Komunal në Lipjan.
“E njoftoj kryesuesin e Kuvendit Komunal z.Daut Azemi, Kryetarin e Komunës z.Imri Ahmeti dhe këshilltarët komunal të zgjedhur në zgjedhjet e fundit lokale, se unë që nga sot datë: 23.04.2019, jep dorëheqje të parevokueshme e të qenit këshilltar komunal”, ka shkruar Retkoceri.
Më poshtë gjeni të plotë dorëheqjen e Retkocerit:
Për: Kryetarin e Komunës së Lipjanit z.Imri Ahmeti
Kryesuesin e Kuvendit të Komunës së Lipjanit z.Daut Azemi
Këshilltarët e Kuvendit Komunal të Lipjanit
Nga: Selatin Retkoceri këshilltar komunal i KK të Lipjanit
Dorëheqje e parevokueshme
Unë Selatin Retkoceri i lindur në Llugaxhi të Lipjanit me datë: 05.05.1961, me vendbanim në Llugaxhi, rruga “Sherif Ahmeti” nr.8, me numër të letërnjoftimit: 1010216997, lëshuar në Lipjan.
E njoftoj kryesuesin e Kuvendit Komunal z.Daut Azemi, Kryetarin e Komunës z.Imri Ahmeti dhe këshilltarët komunal të zgjedhur në zgjedhjet e fundit lokale, se unë që nga sot datë: 23.04.2019, jep dorëheqje të parevokueshme e të qenit këshilltar komunal.
Arsyet e dorëheqjes janë personale dhe nuk dëshiroj që nga sot e tutje të jem pjesë e një Kuvendi që merr vendime kuturu dhe të pabazuara nga të cilat unë personalisht kam mundur të kem pasoja të paparashikuara.
Me këte vendim njoftoj Agjencionin Kunder Korrupcion, Kryesuesin e Kuvendit Komunal, Kryetarin e komunës dhe këshilltarët komunal se nga sot unë nuk jam më këshilltar i Kuvendit Komunal të Lipjanit.
Vërejtje: Dorëheqëjen time do ta paraqes edhe me gojë nëse më lejohet në mbledhjen e radhës të Kuvendit Komunal me datë: 30.04.2019
Me respekt: Selatin Retkoceri
Lipjan: 23.04.2019