Policia e Rajonit të Prishtinës, respektivisht hetuesit e stacionit policor të Lipjanit, sot në orët e pasdites, kanë sekuestruar një armë zjarri në fshatin Torinë.

Operacioni policor është ndërmarrë në koordinim me prokurorin e shtetit dhe gjyqtarin e procedurës paraprake nga ana e hetuesve, të cilët kanë identifikuar lokacionin dhe personin e dyshuar, i cili kishte postuar në rrjete sociale, video duke shtënë me armë zjarri.

Aktualisht hetuesit po kryejnë të gjitha procedurat e nevojshme policore ndërkohë që ndaj personit të dyshuar:

S.I. mashkull, 41 vjeç është iniciuar rast për armëmbajtje pa leje, thuhet ne raport nga Policia.