Policia e rajonit të Prishtinës në kuadër të punës së saj për parandalimin e veprimtarive kriminale që po i sjellin dëme shoqërisë, ka intensifikuar veprimet e saja në drejtim të identifikimit dhe kapjes së personave të përfshirë në raste kriminale.

Sot rreth orës 05:00, në rrugën “Fehmi Agani” në Lipjan, policia ka arrestuara tre persona të dyshuar si dhe ka sekuestruar një sasi të substancës narkotike që dyshohet të jetë e llojit kanabis.

Personat e dyshuar: G.H., mashkull, 21 vjeç, shtetas i Republikës së Kosovës, B.S., mashkull, 21 vjeç, shtetas i Republikës së Kosovës dhe P.N., mashkull, 21 vjeç, shtetas i Republikës së Kosovës, janë dërguar në mbajtje me vendim e prokurorit të shtetit dhe ndaj tyre është iniciuar një hetim në drejtim të veprës penale, Posedim i paautorizuar i substancave narkotike, psikotrope ose analoge.