Sa kohë duhet për të humbur peshë dhe sa kilogramë mund të biem për një kohë të caktuar?

PUBLIKUAR

LAJME TË TJERA

Oriola Marashi në deti, “trazohet” interneti

Oriola Marashi ka publikuar një fotosesion nga pushimet e saj luksoze në një vend...

Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Kryeministri i vendit, Albin Kurti po vazhdon të tregojë disa nga të arriturat e...

Gjëja e parë që duhet të bëni kur doni të humbni peshë, është të keni pritshmëri realiste

Për këtë, mund t’ju duhet të kuptoni se çfarë është një shkallë e shëndetshme e humbjes së peshës.

Humbja e peshës ndodh kur konsumoni vazhdimisht më pak kalori sesa digjni çdo ditë.

Ju duhet të krijoni një bilanc negativ kalorish për të humbur peshë. Shkalla e këtij deficiti kalorish ndikon në shpejtësinë e humbjes së peshës.

Për shembull, konsumimi i 500 kalorive më pak në ditë për 8 javë ka të ngjarë të rezultojë në humbje më të madhe në peshë sesa të hani 200 kalori më pak në ditë, shkruan Healthline.

Megjithatë, sigurohuni që të mos e bëni shumë të madh deficitin tuaj të kalorive, pasi mund të rrezikoni për mangësi të lëndëve ushqyese dhe probleme të tjera të shëndetit.

Për më tepër, do të humbni peshë edhe në formën e masës muskulore dhe jo në formën e masës yndyrore.

Faktorë të tjerë të rëndësishëm që ndikojnë në humbjen e peshës

Gjinia

Raporti yndyrë-muskuj ndikon shumë në aftësinë tuaj për të humbur peshë.

Gratë kanë zakonisht një raport më të madh yndyrë-muskuj dhe në përgjithësi, djegin 5-10% më pak kalori se burrat në gjendje “pushimi”. Kështu, burrat priret të humbin peshë më shpejt sesa gratë që ndjekin një dietë të barabartë në kalori.

Mosha

Një nga shumë ndryshimet trupore që ndodhin me plakjen janë ndryshimet në përbërjen e trupit – masa e yndyrës rritet dhe masa e muskujve zvogëlohet. Prandaj edhe humbja e peshës vështirësohet me kalimin e moshës.

Gjumi

Gjumi ka tendencë të jetë një komponent i anashkaluar por vendimtar i humbjes së peshës.

Humbja kronike e gjumit mund të pengojë ndjeshëm humbjen e peshës dhe shpejtësinë me të cilën humbisni kilogramë.

Është treguar se vetëm një natë privimi i gjumit rrit dëshirën tuaj për ushqime me kalori të lartë dhe të varfra në lëndë ushqyese, të tilla si biskota, ëmbëlsira, pije me sheqer dhe patatina, citon Anabel.

Faktorë të tjerë

Disa faktorë të tjerë mund të ndikojnë në shkallën tuaj të humbjes së peshës, përfshijnë: ilaçe si ato kundër depresionit apo antipsikotikë të tjerë; gjendje shëndetësore si tiroidet etj., mënyra si ushqeheni dhe sigurisht, gjenetika.

Synimi për të humbur 0,45–1,36 kg në javë është mënyra më e sigurt dhe e qëndrueshme për të arritur qëllimet tuaja. /Telegrafi/

SHIKO MË SHUMË

Keni qarkullim të dobët të gjakut: Me ndihmën e këtyre artikujve do ta rregulloni shumë lehtë!

Duke pasur parasysh që qarkullimi i gjakut ndihmon bartjen e oksigjenit dhe nutrienëve në...

Llojllojshmëria e vitaminave B: Në cilin ushqim më së shumti ka dhe cili është më i rëndësishmi?

Ekzistojnë 8 vitamina të ndryshme në grupin e vitaminave B: tiamina, riboflavina, niacina, thartira...

Zgjidheni problemin e rritjes se thoit në mish te fëmijët

Me një masazh të thjeshtë në shtëpi, mund t’ua lehtësoni vuajtjen në vetëm 7...