Me rritjen e numrit të rasteve të reja me COVID-19 në Kosovë, ka filluar të rritet edhe numri i pacientëve të hospitalizuar me këtë virus, raporton Gazeta Express.
Nga Shërbimi Spitalor Klinik e Universitar i Kosovës kanë bërë të ditur se sot në klinikat COVID dhe spitalet rajonale janë të shtrirë 16 pacientë të infektuar me COVID-19 dhe 24 që janë shëruar nga ky virus.
Sipas SHSKUK’së, me oksigjeno-terapi janë 11 pacientë, kurse në Mjekimin Intensiv të Klinikës Infektive nuk ka asnjë pacient.
Raporti sipas klinikave dhe spitaleve të përgjithshme:
Klinika Infektive, 8 pacientë
Klinika e Pulmologjisë, 23 pacientë post-covid
Mjekimi Intensiv i Klinikës Infektive, nuk ka pacient
Spitali i Prizrenit, 1 pacient
Spitali i Pejës, 5 pacientë
Spitali i Gjakovës, 2 pacientë
Spitali i Ferizajt, 1 pacient post-covid
