Një mikrobus është rrëzuar duke dalë nga rruga në Berat, çka ka sjellë vdekjen e një personi dhe plagosjen e disa të tjerëve.

Në orët e para të mëngjesit të sotëm, në fshatin Pashalli, pranë Gurores është rrëzuar mikrobuzi me targa AA705FL, i cili drejtohej nga Y.V., banues në Urë Vajgurore, në të cilin ndodheshin rreth 15 persona.

Si pasojë e këtij aksidenti ka gjetur vdekjen F.H., 54 vjeçe, banuese në Berat, e cila ndodhej brenda në mikrobus dhe është plagosur lehtë bashkëshorti i saj Z.H., 60 vjeç, i cili po merr ndihmë mjekësore në spitalin e Beratit, ndërsa dyshohet dhe për persona të tjerë të lënduar.

Nuk dihen ende detajet e kësaj ngjarje, ndërsa policia po punon për zbardhjen e shkaqeve të këtij aksidenti. Ndërkohë drejtuesi i mikrobusit është shoqëruar në polici për veprime të mëtejshme, i cili dyshohet se ka humbur kontrollin mbi mjet, duke shkaktuar aksidentin e rëndë. /noa.al/