Një aeroplan rus është rrëzuar gjatë uljes në Khmeimim të Sirisë, ku gjashtë anëtarë të ekuipazhit si dhe 26 pasagjerë u vranë në aksident, tha ministria e Mbrojtjes të Rusisë, shkruan Telegrafi.

Sipas informacioneve paraprake, incidenti mund të ishte shkaktuar nga një mosfunksionim teknik.

“Rreth orës 12:00, sipas orës së Moskës, një avion rus i transportit u rrëzua derisa po tentonte të ateronte në bazën ajrore Khmeimim të Sirisë. Të gjithë ata që ishin në bord vdiqën [në incident]”, thuhet në deklaratën e lëshuar nga ministria ruse e Mbrojtjes.

Aeroplani goditi tokën rreth 500 metra larg pistës.