Festimi i Krishtlindjeve të maqedonasve në Berlin të Gjermanisë, pati një fund të tmerrshëm. Festën e kanë ndërprerë tridhjetë kurbetçi ku për shkak të politikës fillimisht janë grindur me fjalë dhe më pas grindja ka filluar edhe fizikisht, përcjell Telegrafi Maqedoni.

Disa pjesëmarrës në rrahje kanë marrë edhe lëndime të rënda. Në mesin e të lënduarve ka pasur edhe disa gra. Siç thonë disa nga dëshmitarët e incidentit, për fat të mirë nuk kanë pësuar fëmijët, të cilët ishin në numër shumë të madh te skena ku qëndronte edhe grupi muzikor. /Telegrafi/