Wayne Rooney zyrtarisht sot është pensionuar nga futbolli aktiv dhe ka marrë menjëherë një rol drejtues.

Klubi i Futbollit Derby County ka njoftuar emërimin e Wayne Rooney si trajneri i ri i klubit.

35-vjeçari merr këtë pozitë në një marrëveshje për dy vite e gjysmë, e cila do të zgjasë deri në verën e vitit 2023.

Golashënuesi kryesor i Anglisë dhe Manchester United, me mbi 700 paraqitje profesionale në emrin e tij, u bashkua me Derby në janar të vitit 2020 dhe bëri 35 paraqitje për ta.