Lipjani News: Na tregoni diçka për veten.
Mjellma Berisha: Unë jam Mjellma Berisha nga Peja. Shkollën fillore dhe të mesme i kam mbaruar në Pejë, ndërsa fakultetin në Prishtinë, në drejtimin Menaxhment dhe Informatikë. Hapat e parë në muzikë i mora nga vëllau im, i cili po ashtu është këngëtar, që jeton dhe vepron në Vienë. Aty ka studiuar për solo këndim (opera). Unë isha edhe në shkollën e ultë të muzikës për piano. Ne në familje e kemi në gjak muzikën sepse jemi shumë të dhënë pas saj. Përveç muzikës unë tash e një kohë punoj në Kompaninë e Sigurimeve “Illyria”dhe arrij ti menaxhoj shumë mirë punën dhe muzikën, e cila nuk është aspak e lehtë.
Lipjani News: Ju mbajmë mend nga kënga “Sytë e zi” në bashkëpunim me Ryva Kajtazin, si erdhi ideja e Hana Band?
Mjellma Berisha: Kënga “Sytë e Zi” ishte një këngë me të vërtetë shumë e bukur dhe e pëlqyer. Ishte kënga ime e parë e realizur me videoklip. Unë dhe Ryva njiheshim para se të bëhesha edhe unë pjesë e grupit. Ryva vetëm ishte anëtare e grupit, ndërsa ishin në kërkim të një këngëtareje të dytë, dhe ja kisha fatin te jem unë ajo, kështu u bëmë të dyja vokaliste të grupit “Hana Band”.
Lipjani News: Ku u tret miqësia me Ryva Kajtazin?
Mjellma Berisha: Unë kam ende miqësi me Ryvën. Ende jemi shoqe dhe kolege, por që angazhimet e të dyjave nuk po na lejojnë për tu takuar shpesh.
Lipjani News: Si i vlerësoni të arriturat tuaja?
Mjellma Berisha: Me punë dhe mund, njeriu mundet me arrit atë çka deshiron. Sa më perket mua, jam shumë e lumtur dhe e kënaqur me këto deri tani se çfare kam arritur, sepse e gjitha është mund i imi dhe i familjes sime.
Lipjani News: Nëse nuk do të ishit këngëtare, cilin profesion do ta zgjedhje?
Mjellma Berisha: Unë as që e kam menduar ndonjëherë që mund të dal dhe të këndoj para shumë njerëzve apo të dal para kamerave. jam tip më i tërhequr, por që dëshirën e kam pasur gjithmonë të merrem me muzikë. Nuk kam pasur ndonjë passion tjetër.
Lipjani News: A beson në rivalitet në skenën e muzikës?
Mjellma Berisha: Rivaliteti ka egzistuar gjithmonë dhe kudo. Mund të them që në skenën tonë muzikore ka mjaft rivalitetdhe eshte shume i shprehur.
Lipjani News: Na tregoni për eksperiencën tënde në The Voice of Albania?
Mjellma Berisha: The Voice Of Albania ishte diçka e papërshkruar dhe shumë ekperiencë e bukur. Kam nostalgji sa herë e mendoj kohën e The Voice-it.
Lipjani News: Si e kaloni kohën e lirë?
Mjellma Berisha: Mundohem të pushoj sa me shumë kur kam kohë të lirë, nganjëherë edhe dal, po ashtu fitnessi është koha ime më e mirë.
Realizoi intervistën: Albina Zeneli./LipjaniNews/.