Çdo njeri kujdeset për lëkurën dhe trupin vet duke u mbrojtur nga rrezet e diellit të cilat gjatë ekspozimeve të gjata mund të shkaktojnë dëme të mëdha.

Sidoqoftë, pavarësisht se ka shumë mënyra për t’i larguar pikat e zeza dhe njollat e lëkurës, shpeshherë ato kushtojnë shumë dhe jo çdo njeri ka qasje tek to. Megjithatë, gjithmonë ekzistojnë alternativa apo ilaçe shtëpiake të cilat mund t’ju ndihmojnë, transmeton Telegrafi.

Më poshtë është receta shtëpiake e cila përbërës kryesor e ka peroksidin e hidrogjenit, e që përdoret për t’i zhdukur shenjat në rroba, por që mund të përdoret edhe për heqjen e njollave në lëkurë.

Ky produkt i largon edhe pikat e zeza në lëkurë.

Përbërësit:

– Katër pika hidrogjen peroksidi

– Tri pika glicerinë natyrale

– Dy lugë gjelle pluhur qumështi

– Lëngu i një limoni të vogël

Të gjithë përbërësit i futni në një tas xhami dhe i përzieni me një lugë të drurit derisa të fitoni një kombinim të mirë. Produktin e fituar e lini të pushoj të paktën 5 minuta para se ta filloni ta përdorni si pastë.

Para se ta përdorni duhet fillimisht ta pastroni fytyrën me sapun dhe ta thani. Pastaj, e aplikoni produktin gjatë natës dhe e lini ashtu tërë natën, ndërsa në mëngjes e pastroni fytyrën me ujë të ftohët dhe e thani mirë.

Këtë duhet ta përsëritni për të paktën shtatë ditë radhazi para se t’i shihni rezultatet e mahnitshme në fund.

Gjithashtu, për t’i shmangur njollat në lëkurë duhet të shmangni ekspozimin në diell mes orës 11:00 dhe 15:00, pasi që gjatë këtyre orëve dielli i ka rrezet më të fuqishme. /Telegrafi/