Rebelët sirianë të mbështetur nga Perëndimi kanë thënë se e kanë rrëzuar një aeroplan luftarak të ushtrisë siriane sot në një zonë shkretinore në Sirinë jugore afër kufirit me Jordaninë, ku ushtria ka avancuar kohëve të fundit dhe kapur postblloqe kufitare.
Saad al Haj, zëdhënës për liderin e grupit rebel Osoud al Shargiya, ka thënë për Reuters se rebelët e kanë rrëzuar aeroplanin e llojit MiG, të prodhuar në Rusi, duke përdorur armë anti-aeroplanit, transmeton Express.
“Aeroplani u rrëzua në Wadi Mahmoud në lindje të Sweida. Pjesë të mbetura të aeroplanit kanë rënë në zonë dhe mendojmë se piloti është ulur përmes parashutës. Kërkimet për ta gjetur atë janë duke vazhduar,” ka thënë Haj, grupi i të cilit është njëri prej dy grupeve rebele që operon në zonë./Express/
