Për hir të informimit të drejtë të qytetarëve, Komuna e Lipjanit çdo herë ka qenë e gatshme që të jetë e hapur për investitorët e jashtëm për të gjeneruar vende të reja të punës, ku konsiderojmë që qyetetarët kanë nevojë për një vend pune, andaj ne kemi vepruar njejtë edhe me këtë investitor e cili nuk e ka respektuar kontratën dhe është në kundërshtim me nenin 4 pika 1.5 e kësaj kontrate, thuhet në njoftim.

Po ashtu, ky nen thotë “Marrësi i pronës në shfrytëzim obligohet që këta përsona të punësohen përmes një komisionit të përbashkët me komunën sipas vendimit të kuvendit komunal 15 Nr.464-34451 datës 30.06.2016” dhe kompania nuk e ka respektuar këtë.

Andaj, lidhur me konkursin e hapur nga kjo kompani e cila ka tendencë për të manipuluar me qytetarët lipjanas në kohë fushate. Komuna e Lipjanit do të ndërmarrë të gjitha masat e nevojshme duke u bazuar në vendimin për shfrytëzimin e kësaj prone që është dhënë në shfrytëzim, sepse është e papranueshme që të përdoren pronat që ka dhënë në shfrytëzim komuna e të manipulohet për qëllime elektorale nga partitë politike, thuhet në reagim.

Konsideorjmë ky konkurs është tërsisht elektoral sepse nga kompania në fjalë akoma nuk është pajisur me leje ndërtimore të disa objekeve shtesë, nuk ka pranim teknik të objekeve të ndërtuara dhe nuk ka leje të përdorimit.
Në mungesë të këtyre leje përkatëse nuk mund të zhvillohet fare aktiviteti investiv por tërsisht ky konkurs është në kuadër të fushatës elektorale të zgjedhjeve të këtij viti.