Kryetari Imri Ahmeti ka reaguar ndaj shkrimeve të cilat sipas tij nuk është pjesë asnjë kombinimi, asnjë bisede lidhur me pozicionet në LDK.
Ahmeti ka shkruar se për të personalisht janë të papranueshëm konspiracionet e kujtdo qofshin me qellim të futjes së hutisë dhe tendencave të përçarjes së anëtarësisë.
Postimi plotë nga Ahmeti:
Të dashur qytetar,
Të nderuara media.
Duke lexuar shkrime dhe prononcime të ndryshme lidhur me procesin zgjedhor jam i obliguar të sqaroj para opinionit që personalisht nuk jam pjesë asnjë kombinimi, asnjë bisede lidhur me pozicionet që përmendën në shkrime siç është portali Gazeta Blic.
Unë angazhohem për unifikim dhe marrëveshje të përbashkët që ka mbështetjen e me shumë degatëve dhe delegatëve, për një marrëveshje që gëzon mbështetjen e anëtarësisë.
Për mua personalisht janë të papranueshëm konspiracionet e kujtdo qofshin me qellim të futjes së hutisë dhe tendencave të përçarjes së anëtarësisë.
Do angazhohemi fortë të dalim fitues ndaj çdo konjukture që po përpiqet të përçaj LDK-në.
Do të dalim edhe më të fortë duke ruajtur traditën e tolerancës e mirëkuptimit sepse kemi përgjegjësin për të menaxhuar mirë e korrekt zgjedhjet dhe proceset që e presin shoqërinë tonë.
I.A.
