Policia Kosovës ka njoftuar se viktima femër shtetase e huaj ka raportuar se ka...
Ka filluar asfaltimi i rrugës Carralevë – Rancë, respektivisht rruga “Gryka e Carralevës”, nga NNT “Burimi” nga Malisheva. Punët në asfaltimin e kësaj rruge kanë filluar nga shkolla e fshatit në drejtim të Carralevës dhe sot pritet të përfundojnë punimet deri në Carralevë. Kjo rrugë lidhet me magjistralen Shtime – Prizren.
Drejtori i Drejtorisë për Planifikim Urban, Kadastër dhe Gjeodezi, z. Mehdi Salihu tregon se rruga e asfaltuar nga Carraleva deri te shkolla e Rancës ka gjatësi prej tri kilometrash dhe gjerësi 4 metra, ndërsa nga shkolla e Rancës në drejtim të rrugës “Martirët Asllani” do të shtrohet me asfalt deri te varrezat e familjes Asllani në gjatësi 1.41 km dhe gjerësi 3 metra.
Ndërsa, zyrtari i Ndërtimtarisë, z. Fatmir Rexhepi bëri të ditur se rrugët e asfaltuara Carralevë – Rancë dhe Carralevë – Dugë – Karaçicë, kanë kushtuar gjithsej 673,362.21 euro, ku investitor kryesor është Ministria e Infrastrukturës me 511,933.55 euro, ndërsa Komuna e Shtimes ka participuar me 161,428.66 euro.
Fshati Rancë shtrihet në shpatet jogore të malit të Carralevës, rreth 10 kilometra larg qendrës komunale të Shtimes. Lartësia mbidetare mesatare e këtij fshati është 880-906 m. Sipas Agjencisë së Statistikave të Kosovës, përkatësisht Regjistrimit të Popullsisë, Ekonomive Familjare dhe Banesave në Kosovë, të bërë në vitin 2011, fshati Rancë ka gjithsej: 122 banorë (70 meshkuj dhe 52 femra)