Konsumatorët dhe kuzhinierët janë këshilluar të mos hanë, të mos provojnë brumin e papjekur për kuleç dhe ëmbëlsira, sepse nga mielli i infektuar janë sëmur 46 njerëz në 21 shtetet federale të SHBA-së.

Autoritetet shëndetësore amerikane kanë tërhequr vërejtjen për miellin e infektuar dhe kanë komunikuar që nuk e dinë se si bakteret nga jashtëqitjet e kafshëve kanë depërtuar në këtë artikull themelor ushqimor.

Po analizohet mielli i kompanisë më të madhe amerikane “General mills” nga Missouri, transmeton Telegrafi.

Kjo kompani, e cila nga tregu ka tërhequr 22,5 mijë tonë miell, ka kumtuar që nuk beson që fabrikat e saj janë burim i infektimit.

Qendra për kontrollin dhe preventivën e sëmundjeve ka lëshuar udhëzimin për konsumatorët dhe kuzhinierët që miellin ta trajtojnë si edhe artikujt e tjerë, të cilët mund të kontaminojnë sipërfaqen e kuzhinës. /Telegrafi/