Presidenti i Rusisë, Vladimir Putin, e ka nisur një takim në Kremlin me sekretarin amerikan të shtetit, Rex Tillerson, kështu ka thënë një zëdhënëse e Ambasadës së SHBA-së në Moskë, duke cituar zyrtarët e Kremlinit.
Më herët Kremlini kishte refuzuar që të konfirmojë nëse një takim i tillë do të ndodhte gjatë vizitës së Tillersonit në Moskë, duke pasqyruar tensionet për sulmin me raketa të SHBA-së ndaj Sirisë, aleatit të Rusisë, javën që shkoi, transmeton Express.
Tillerson u takua sot gjatë ditës edhe me homologun e vet rus, Sergei Lavrov.
