Putin sërish përmend Kosovën, arsyeton shpalljen e republikave në Donbas të Ukrainës

PUBLIKUAR

Presidenti rus, Vladimir Putin, ka përsëritur se Rusia ka të drejtë të njohë si të pavarura republikat e vetëshpallura në Donbas të Ukrainës, sipas Kartës së Kombeve të Bashkuara, duke e marrë sërish si shembull “vënien e precedentit” në rastin e Kosovës.

Ai gjatë fjalimit në “Forumin Ekonomik Ndërkombëtar” në St. Petersburg ka përsëritur deklaratat që pati dhënë disa ditë pasi Rusia njohu si të pavarura dy republikat në Ukrainë, transmeton Telegrafi.

“Kur Kosova u pavarësua, nën presionin e shteteve ndërkombëtare, Gjykata Ndërkombëtare e Drejtësisë deklaroi se nuk është shkel ligji ndërkombëtar i Kombeve të Bashkuara. Do të thotë se nuk duhet të pyetet qeveria qendrore për tu pavarësua. Ky ishte një precedent”, tha Putin.

Ai ka thënë se kjo nënkupton që dy republikat në Donbas, Luhansku dhe Donetsku, s’kanë nevojë të marrin leje prej Kievit. Këto dy republika shpallën pavarësinë pasi Rusia nisi pushtimin e Ukrainës.

“Ato shpallën pavarësinë. A kemi të drejtë t’i njohim? Sigurisht që po”, ka thënë Putin,

Putini po ashtu theksoi se pas shpërbërjes së ish-Jugosllavisë dhe Bashkimit Sovjetik, “Perëndimi iu kthye ndarjes së Kosovës nga Serbia”.

Sipas tij, vendet perëndimore nisën luftëra në shkallë të gjerë, duke përfshirë Irakun, Libinë e Afganistan.

“Por puna është se situata të tilla u zhvilluan siç donin ata, dhe jo siç do të duhej. Në shumë raste, le të themi për shembull në Jugosllavi – shteti u copëtua. Pas BRSS-së dolën vende tjera dhe interesa të reja shpërthyen. Kishte kontradikta të brendshme dhe ata i nxitën. Pastaj filluan ta shkëpusin Kosovën nga Serbia. S’është e qartë pse”, ka thënë Putin.

Ndryshe, Putin ka fajësuar shtetet perëndimore për krizën botërore ekonomike në botë.

Presidenti rus gjithashtu ka arsyetuar pushtimin e Ukrainës me “de-nazifikimin” e Ukrainës. /Telegrafi/

LAJME TË TJERA

Rritja alarmante e rasteve me Covid-19, Instituti del me një apel për qytetarët

Pas rritjes alarmante të rasteve me Covid-19 në Kosovë, Instituti Kombëtar i Shëndetësisë Publike...

MASHTI distancohet nga përzgjedhja e anëtarëve të Këshillit Drejtues të UP-së

Ministrja e Arsimit, Shkencës dhe Teknologjisë, Arbërie Nagavci, ka deklaruar se ministria që drejton...

Bashkësia Islame e Kosovës nënshkruan marrëveshje për pranimin e 25 tonë hurmave nga Arabia

Kryetari i Bashkësisë Islame të Kosovës, Naim Tërnava, ka pritur në takim ambasadorin e...

Mbappe bëhet shkak i largimit të Neymarit nga PSG-ja?

Nuk ka paqe në shtëpinë e Paris Saint-Germainit. Pas vazhdimit të kontratës së Kylian Mbappes...

SHIKO MË SHUMË

Qindra njerëz të plagosur pas shembjes së tribunës në një garë me dema

Të paktën katër njerëz kanë vdekur dhe më shumë se 300 të tjerë janë...

Vladimir Putin do të dalë për herë të parë jashtë Rusisë që nga fillimi i luftës

Vladimir Putin do të bëjë vizitën e parë jashtë Rusisë që prej fillimit të...

Zbardhet transkripti i bisedës telefonike mes Macronit e Putinit, 4 ditë para pushtimit rus të Ukrainës

Pak ditë para sulmit rus në Ukrainë, tensioni mes Vladimir Putin dhe Emmanuel Macron...