Magazina Auto News, i ka publikuar disa fotografi në të cilat shfaqet një veturë sportive me ngjyrë gri. Ky automobil me dy dyer, besohet të jetë modeli R6 nga Audi.

Në bazë të pamjeve, vërehet se makina do ta ketë pjesën e sipërme të hapur, ndërsa linjat ngjajnë shumë më modelet paraprake, transmeton Telegrafi.

Grilli gjashtëkëndor duket shumë më i madh, se sa në veturat tjera, ndërsa shihen edhe dy hapësira, në pjesët anësore me të cilat është rritur aerodinamika.

Tërë pjesa e pasme është e përfshira nga dritat, ndërsa poshtë janë të vendosura dy gypa për të nxjerrë gazin.

Asnjë lajm tjetër nuk është dhënë rreth këtij modeli sportiv, që nuk dihet se kur do të lansohet. /Telegrafi/