Kohën e fundit dukshëm është shënuar rritje e çmimeve, në shumë produkte në vendin tonë.
Sa iu përket derivateve ato nuk është se kanë pësuar lëvizje të mëdha, porse pritet të ketë së shpejti.
Kryetari i Naftëtarëve të Kosovës, Fadil Berjani thotë se qytetarët e vendit edhe më tej po shërbehen me çmimet më të lira në vend.
“Çmimet i përcakton Berza dhe Organizata Prodhuese OPEC, ku reflekton edhe në Kosovë. Çmimet në Kosovë sillen kështu Diesel 0.85 cent deri në 0.92 cent, Benzina 0.87 deri në 0.95 cent”, ka thënë Berjani në një bisedë për IndeksOnline.
“Qytetarët e Republikës së Kosovës janë duke u shërbyer me çmimet më të lira në regjion, përveç Maqedonisë që e ka akcizen më të ulët për 0.22 cent për liter”, ka theksuar tutje ai.
“Sipas informatave ku ka qenë një takim me Organizaten Prodhuese e ka kundërshtuar Rusia, ka kërkuar që të reduktohet prodhimi, por shtetet arabe e kanë kundërshtuar kështu që do të ketë rritje të lehtë të çmimeve, sepse prodhimi në Organizaten Prodhuese “Opec”, është në rritje”, vlerëson Berjani.
Berjani ka treguar se çmimet e derivateve në Shqipëri qëndrojnë më ndryshe.
“Çmimet në Shqipëri aktualisht janë kështu, Diesel 1.30 cent kurse Benzina 1.32 cent”, shtoi ai.
Vlen të përmendim faktin se që nga fillimi i pandemisë Covid19 e deri më tash, qytetarët e vendit janë shërbyer me çmime të arsyeshme. /IndeksOnline/
