(E plotësuar) Mijëra protestues tanimë janë mbledhur në oborrin e Bibliotekës Kombëtare, ku edhe do të fillojë protesta gjithë popullore kundër ministrit Jabllanoviq dhe në mbrojtje të Trepçës.

Ndërkohë, një numër i protestuesve ka mbetur rrugëve për shkak të një aksidenti në Sllatinë.

Aty janë parë edhe kryetari i AAK-së, Ramush Haradinaj, kryetari i Komunës së Prishtinës, Shpend Ahmeti, deputet dhe kryetar të komunave. Protesta do të fillojë së shpejti.

———————————————————–

Në Prishtinë tashmë janë duke u grumbulluar protestuesit, në vendtakimin e përcaktuar nga organizatorët te Biblioteka Kombëtare. Ndërkohë në rrugët e qytetit vërehet prani e policëve.

Përmes fotografive të postuara më poshtë mund të shihni atmosferën në kryeqytet në prag të protestës së thirrur nga “Thirrjet e Nënave” nga Gjakova, por organizimin e së cilës e ka marrë përsipër edhe lëvizje vetëvendosje, kurse pjesëmarrjen e kanë paralajmëruar edhe shumë parti politike dhe organizata jo qeveritare.

Telegrafi do t’ju mbajë të informuar në vazhdimësi për protestën që do të fillojë në orën 14:00. /Telegrafi/