Presidentja e Kosovës, Vjosa Osmani, është nisur drejt Lipjanit. Këtë e konfirmoi vetë ajo përmes një video-live në Facebook.

Ajo tha se Lipjani është komuna më dinamike sa i përket zhvillimit ekonomik, pasi siç tha atje operojnë mbi 2 mijë e 500 biznese.

Presidentja pritet të takohet me kryetarin e kësaj komune, Imri Ahmeti, me të cilin do të ketë edhe deklarim për media.

Osmani do të takojë gra dhe të rinj, komunitete joshumicë dhe biznese të Lipjanit.