Turqia i ka pranuar vetëm 790 milionë euro nga pakoja prej 3 miliardë euro të premtuara nga Bashkimi Evropian në bazë të marrëveshjes për të kufizuar valën e emigrantëve nga Turqia në bllok, ka thënë sot zëdhënësi i Presidencës së Turqisë, Ibrahim Kalin.
Kalin ka thënë në një konferencë për media se marrëdhëniet mes Ankarasë dhe Brukselit, që u tensionuan nga mosmarrëveshjet gjatë referendumit për ndryshime kushtetuese në Turqi, mund të vihen prapë në binar nëse Bashkimi Evropian i zbaton kushtet e marrëveshjes për emigrantë. /Express/