Në Lipjan u prezantua raporti “KOMUNA JONË” Janar – Qershor 2016, për Komunën Lipjanit, përgaditur nga Organizta POLIS në kuadër të Programit Demo Polis e mbështetur nga Programi Promovimi i Shoqërisë Demokratike që financohet nga Zyra Zvicrrane për Bashkëpunim në Kosovë.
Me këtë rast, Fitim Sadiku, përfaqësues i Organizatës Polis, fillimisht ka prezantuar raportin monitorues të punës së institucioneve lokale të Komunës së Lipjanit.
Ndërsa, kryesuesja e Kuvendit, Vlora Limani, Hajnuni dhe Fauz Xhemajli drejtor i Drejtoratit për Administratë kanë dhënë komentet lidhur me raportin.
Kryesuesja e Kuvendit Vlora Limani – Hajnuni, ka përshëndetur raportin, duke kërkuar nga asamblistët komunal bashkëpunim më të madh në realizimin e rekomandimeve të dalura nga ky raport. Në të njejtën kohë ajo ka thënë se secili nga këndvështrimi i vet, mund të komentoj në forma të ndryshme të gjeturat dhe rekomandimet e këtij raporti, por ajo që unë e konsideroj jashtëzakonisht shumë të rëndësishëm është konkluzioni që të gjithë ne (institucione, OJQ dhe asamblist) kemi përgjegjësi në promovimin e pjesëmarrjes qytetare në vendimmarrje me qëllim të krijimit të një shoqërie aktive e cila do të determinonte politika edhe më të mira zhvillimore për Komunën në përgjithësi, ka thënë ndër të tjera kryesuesja Hajnuni.
Po ashtu Fauz Xhemajli, drejtor i Drejtoratit për Administrat, ka folur për transparencën komunale, duke i përmenduar dokumentet që ka hartuar komuna lidhur transparencën e që janë të aprovuara në Kuvend.
Në këtë takim u inkuadruan me diksutimet e tyre edhe anëtarët e Kuvendit, duke vlerësuar raportin kanë dhënë komente në lidhje me të gjeturat për fushat e trajtuara në raport.
