Organizata POLIS sot në Lipjan mbajti tryezën “Seancë para Seancës” në të cilën u prezantua Raporti “Tenderometri Komunal” për periudhën Janar – Prill 2017 Lipjan.
Raporti “Tenderometri Komunal” i referohet kryesisht aktiviteteve të prokurimit me qëllim matjen e transparencës së prokurimit publik në Komunën e Lipjanit, duke u fokusuar në fazën e planifikimit, tenderimit dhe dhënies së kontratave, shkruan Public Organization for Local Initiatives and Supports – POLIS
Pjesë e diskutimit ishte Drejtori i Prokurimit z. Adem Duriqi, Kryesuesja e Kuvendit Komunal znj. Vlora Limani – Hajnuni si dhe Anëtarët e Kuvendit Komunal në Lipjan.
Nga të pranishmit u diskutuan mjaft çështje lidhur me të gjeturat e paraqitura në raport. Në veçanti debati u fokusua në mospublikimin e planit të prokurimit për vitin 2017, mospublikimi i kontratave punë nga Komuna e Lipjanit dhe të gjeturat e tjera nga ky raport që e përfshin edhe një pjesë nga monitorimi i investimeve kapitale të cilat kanë ndodhur në vitin e kaluar dhe disa projekte të cilat janë duke u realizuar gjatë periudhës që përfshin ky raport.
Ky projekt është mbështetur nga Programi Promovimi i Shoqërisë Demokratike (DSP) – që financohet nga Zyra Zvicerane për Bashkëpunim në Kosovë (SCO-K) dhe menaxhohet nga Fondacioni Kosovar për Shoqëri Civile (KCSF)
/LipjaniNews/
