Sulmuesi në Paris i cili të enjten vrau një polic dhe plagosi rëndë dy të tjerë është identifikuar në bazë të dokumenteve të makinës, raporton BBC.
Megjithatë, siç thonë ata, zyrtarët francezë ende nuk e kanë publikuar identitetin e tij.
Mediat lokale raportuan se 39 vjeçari kishte jetuar në një periferi të Parisit, dhe është parë si një terrorist potencial islamik.
Shteti Islamik mori përgjegjësinë për sulmin dhe tha se ekzekutori ishte Abu Youssef.
Përveç kësaj, shërbimi belg gjatë së enjtes përcolli informacionin te kolegët e saj se Yousuf al-Osri ka lëvizur nga Belgjika në Paris.
“Problem – Yousuf al-Osri (17/06/1981) – në rrugën për në Paris. Të nderuar kolegë, policia në Antwerp ka informacion në lidhje me një person që ka dosje në shërbimin tonë. Ky person ka blerë një biletë për Talia dhe në ora gjashtë ka lëshuar Belgjikën. Po ju dërgojmë një foto. Përshëndetje”, thuhet në mesazh.
Presidenti francez, Francois Hollande, pritet që të mbajë një takim të kabinetit të tij, duke pasur parasysh se francezët shkojnë në votime të dielën.
Hollande tha gjithashtu se ai ishte i bindur se sulmi ishte “i lidhur me terrorizmin”.
Një makinë është ndalur para një automjetit të policisë në natën e së enjtes në Paris, doli jashtë dhe hapi zjarr në një automjet me armë automatike.
Një polic u vra në atë rast. Sulmuesi pastaj u përpoq për të shpëtuar, por u vra. Në këtë sulm janë plagosur edhe dy police të tjerë./GazetaExpress/.