Komandanti i Policisë në Gjakovë, Kristë Gjoka, ka konfirmuar për Express se asnjë vëzhgues nuk është arrestuar në këtë qytet. Ka treguar se vetëm ka pasur verifikim të kartelave.
“Asnjë person nuk është i arrestuar. Ka pasur vetëm disa verifikime të kartelave të vëzhguesve”, ka thënë Gjokaj, për Express.
Ndërkohë, zyrtarja e Vetëvendosjes, Albulena Haxhiu, ka thënë se janë arrestuar 30 persona në Gjakovë për manipulime.
“Në shkollën fillore “Yll Morina” në Gjakovë, janë arrestuar 30 persona të atij Institutit fantom, në të cilin fshiheshin militantet e PDK/AAK/Nisma, që kishin për qëllim prishjen e procesit zgjedhor. Përgëzime për punën në këtë rast 🙂 Duhet të veprohet edhe me të tjerët njësoj!”, ka shkruar Haxhiu, në FB.


