Leonardo Spinazzola po tregon paraqitje fantastike me Italinë në Kampionatin Evropian. Ylli i Romës është njëri prej lojtarëve kyç për suksesin e Italisë deri tash.

Prej këtyre performancave, ai ka tërhequr interesimin e shumë prej klubeve të njohura evropiane, shkruan Gazeta Express.

Njëra prej tyre është Barcelona. Katalonasit kanë pyetur rreth situatës së tij dhe mundësisë së transferimit në “Camp Nou”.

28-vjeçari është pjesë e Romës që nga viti 2019 dhe pas një performance të tillë në Euro 2020 nuk do ta lëshojnë për pak para. /Gazeta Express/