Të paktën pesë ushtarë kanë mbetur të vdekur pasi militantët kanë sulmuar një bazë ushtarake pranë një Akademie Ushtarake në kryeqytetin afgan, Kabul.

Një zëdhënës i Ministrisë së Mbrojtjes i tha BBC-së se 10 ushtarë të tjerë afganë u plagosën.

Sipas tij, në këtë sulm ishin të përfshirë pesë militantë ku katër prej tyre u vranë gjatë sulmit dhe një u arrestua.

Shteti Islamik (IS) ka marrë përgjegjësinë për sulmin, tramsmeton Klan Kosova.

Ky sulm vjen disa ditë pas bombardimit më vdekjeprurës që goditi Kabulin kur një ambulancë e mbushur me eksploziv la të vdekur të paktën 100 veta.

Shteti Islamik dhe talebanët kanë rritur sulmet e tyre ndaj objektivave të tyre gjatë ditëve të fundit.