Me ceremoni solemne të organizuar nën patronatin e Kryetarit të Komunës së Lipjanit z. Imri Ahmeti sot me rastin e 111 vjetorit të Pavarësisë së Shqipërisë është përuruar Palestra Sportive në qytetin e Lipjanit.
Para një numri të madh të qytetarëve bartës të institucioneve të ndryshme vendore e ndërkombëtare, klubeve sportive e mysafirë të tjerë, kryetari Imri Ahmeti tha se pikërisht në këtë festë të madhe të kombit, ka vendosur të bëj inaugurimin e objektit të Palestrës Sportive në Lipjan.
“Në Ditën e Flamurit, në ditën e lindjes së Komandantit Legjendar Adem Jashari, në ditën e daljes në publik të UÇK-së, lipjanasit po e marrin edhe një sallë në shërbime të qytetarëve, jemi të vetëdijshëm që përkundër një hapësire që ishte treg e që vështirësonte edhe jetën e banorëve në këto lagje, e trafikun, sot jemi të kënaqur së bashku me ju, të gjithë do të jemi vizitor të shpesht të kësaj salle kaq të bukur e cila sigurisht që do të ju shërbej klubeve tona të cilat po tregojnë sukses edhe në garat sportive, Lipjani sot ka 16 klube sportive e të cilat bëjnë pjesë në garat e ndryshme ku 4 ekipe prej tyre i kemi në super ligën e Kosovës, 4 janë në ligën e parë si dhe pjesa tjetër në ligën e dytë dhe liga të tjera sportive ”, tha kryetari Ahmeti.
E gëzofshim së bashku!
Urime Dita e Flamurit! 🇦🇱
Urime!
