Të gjithë janë të njohur me kundërmimin e pakëndshëm të shputave të këmbëve. Madje edhe personi më i pastër në botë mund ta ketë të njëjtin problem nëse ecë apo vrapon për një kohë më të gjatë. Çfarë ndodh?
Përse këmbët kanë aromë më të fortë se pjesët e tjera të trupit? Kjo ndodh sepse në këmbë kemi më shumë se 250.000 gjëndra të djersitjes dhe në këmbë djersitemi më shumë se në pjesët e tjera të trupit, transmeton Telegrafi.
Brenda një dite të vetme këmba mund të prodhojë më shumë se gjysmë litre djersë. Në fakt aromën e shkaktojnë bakteret e lëkurës tonë, të cilat konsumojnë djersen dhe lëshojnë aromën e fortë, aspak të këndshme.
Është krejt normale që të kemi baktere në këmbë. Natyrisht se djersitemi ngjashëm në krejt trupin, e po ashtu edhe në duar, por duart janë më të ekspozuara ndaj ajrit dhe më lehtë dhe më shpesh i pastrojmë.
Më ndryshe te këmbët janë çorapët dhe këpucët, në krahasim me duart. Bakteret pëlqejnë ambientin e mbyllur dhe të lagësht, prandaj edhe strehohen në këmbë.
Shputat mbani të pastra dhe të thara
Masa më e mirë për parandalim e aromës së keqe është higjiena e mirë. Përdorni sapun antibakterial për të pastruar në detaje shputat – dhe atë çdo ditë!