Në Komunë e Lipjanit kanë përfunduar takimet publike lidhur me Planifikimin e Buxhetit Komunal për vitet 2020-2022.

Takim është mbajtur sot në fshatin Shalë, ku ishin të përfshira edhe banorët e Krojmirit, Kleqkës, Shalës, Divlakë, Baicë dhe Reinovc, njofton Komuna e Lipjanit.

Drejtori i Buxhetit dhe i Financave Latif Ramadani gjatë këtyre takimeve ka prezantuar Projekt Buxhetin Komunal për vitet 2020-2022 duke bashkëbiseduar me banorët për mundësitë e përfshirjes së kërkesave të tyre në planifikimin Buxhetor.

Qytetarët përpos që kanë parashtruar kërkesat e tyre të cilat ishin të fokusuara kryesisht në infrastrukturë, kanalizim, ujësjellës, trotuar, ndriçim, kanë falënderuar dhe kanë shprehur mirënjohje ndaj kryetarit Komunës Imri Ahmeti, për investimet dhe punët e mëdha që po bëhen në vendbanimet e ndryshme të Komunës me qëllimin e vetëm që qytetarëve lipjanas t’iu sigurohet një jetë dhe mirëqenie më e mirë, thuhet në njoftim nga Komuna e Lipjanit.

Një takim të tillë sot është mbajtur edhe në fshatin Magure, ku ishin të përfshira edhe fshatrat Qylagë, Poturovc, Blinajë, Medvec, Leletiq, Vrellë e Goleshit, Mirenë, Torinë, Dobrajë e Madhe, Dobrajë e Vogël, Gllanicë dhe Lluga.

Qytetarët e pranishëm në këto takime konsultative, kanë parashtruar kërkesa nga më të ndryshme, dhe në njëjtën kohë kanë marr përgjegjje nga përfaqësuesit komunal.

Komuna e Lipjanit, këto takime konsultative i ka organizuar me qëllim që këto takime të jetë në funksion të dhënies së ideve dhe propozimeve konkrete për hartimin sa më gjithëpërfshirës në Projekt Buxhetit Komunal për vitet 2020-2022.