Kanë përfunduar dëgjimet buxhetore për planifimin e buxhetit 2023-2025 të cilat janë mbajtur në venbanimet e ndryshme të Komunës së Lipjanit.
Takimet e fundit me qytetarë janë mbajtur me banorët e lokaliteteve Magure, Qylagë Blinajë, Medvec, Leletiq, Vrella e Goleshit, Mirene, pastaj me banorët e lokaliteve Shalë, Krojmir, Kleqkë, Divjakë,Baicë dhe Resinovc, njofton Komuna.
Drejtori i Buxhetit dhe i Financave Latif Ramadani gjatë këtyre takimeve ka bashkëbiseduar me banorët lidhur me përfshirjen e kërkesave të tyre në planifikimin Buxhetor dhe njëkohësisht ka falenderuar të gjithë pjesmarrësit e këtyre takimeve duke thënë se kontributi i tyre është i veçantë dhe shumë domethënës për planifikimin e buxhetit.