Drejtori për Buxhet dhe Finaca, Shkelzen Hajdini, ka elaboruar raportin gjashtëmujor të shpenzimeve dhe të hyrave. Ai ka theksuar se buxheti i alokuar në periudhen raportuese nga 7, 481,618.41 euro është shpenzuar 5,806,021.61 euro ose shrehur në përgjindje 77.60%.
Nga kjo shumë për paga dhe mëditje janë shpenzuar 4,378,636.68 euro ose 101.21%, për mallra dhe shërbime 298,467.89 euro ose 47.70%, për shpenzime komunale 73,605.77 euro ose 65.74%, për subvencione dhe transfere 133,777.00 euro ose 55.43% dhe shpenzime kapitale 921,534.27 euro ose 42.31%.
Realizimi i të hyrave vetanake gjatë gjashtëmujorit të parë vitit 2016 në krahasim me planifikimin e të hyrave vetanake, është arritur përqindja e kënaqshme e realizimit rreth 50% në raport me planifikimin. Ndërsa, krahasuar me të njejtën periudhë të vitit të kaluar inkasimi i të hyrave vetanake është 15.96% më i lartë, është Hajdini.
Në këtë rast, vlenë të theksohet vlerësimi pozitiv i opozitës sa i përket shpenzimeve të buxhetit nga ana e ekzekutivit të Komunës.
Po ashtu Kuvendi gjatë kësaj seance ka miratuar edhe Propozim Rregulloren për Shërbimet Publike dhe Rendin Komunal, Propozimi Vendimin për caktimin e lokacionit për Shkollën Fillore e Mesme e Ulët “Emin Duraku”, paralelja e ndarë fizike në Gllogovc, Propozim Vendim për dhënien e pëlqimit për ndarjen e mjeteve financiare Bashkësisë Islame në Lipjan, Propozim Vendim për dhënien në shfrytëzim të tokës pasuri – shoqërore e KK Lipjan, Këshillit të Bashkësisë Islame në Lipjan për ndërtimin e Xhamisë në fshatin Baicë, Propozim Vendim për miratimin e marrëveshjes së bashkëpunimit në mes Komunës së Gjilanit dhe Komunës së Lipjanit. Kuvendi po ashtu ka dikutuar edhe punën e Komiteteve dhe Komisioneve Funksionale.
