PDK-ja në Lipjan ka akuzuar Drejtoratin e Arsimit se ka shkelur ligjin që ka gjatë zgjedhjes së drejtorëve të shkollave. Bëhet fjalë për drejtorin e shkollës sh.f.m.u ‘’Nezë Bujani’’ në Bujan.

“Degradimi, shkatërrimi dhe politizimi i sistemit arsimor në komunën e Lipjanit po ndodh në vazhdimësi në zgjedhjen e drejtorëve të shkollave. Deri më tani DKA- Lipjan, ka zgjedhur drejtor duke shkelur Ligjin për arsimin parauniversitar në Republikën e Kosovës nr.04/1-12, Ligjin e arsimit në Komunat e Republikës së Kosovës 03/L-068 dhe UA- 8/2014 të datës: 25.02.2014 “Procedurat dhe kriteret e zgjedhjes së drejtorit dhe zëvendësdrejtorit të institucionit edukativo-arsimor dhe aftësues”.

Paramendoni dje certifikohet në Udhëheqësi arsimore drejtori i zgjedhur në sh.f.m.u ‘’Nezë Bujani’’ në Bujan z. Astrit Buja duke shpenzuar para në Gjilan për ti plotësuar ambiciet e pushtetit aktual në Lipjan. Sipas kritereve nga MASHT për tu zgjedhur drejtor shkolle, kandidati duhet të ketë të përfunduar një program të akredituar për Udhëheqje në arsim, gjë që kandidati i pranuar nga DKA kur është intervistuar për vendin e punës drejtor shkolle nuk e ka pas certifikatën për program të akredituar për udhëheqje arsimore”, thuhet në komunikatë nga PDK.

Përderisa ish drejtori e ka pas certifikatën e trajnimit të kryer dhe masterin për udhëheqje arsimore pran fakultetit te edukimit dhe 8 vite përvojë menagjuese drejtor shkolle, njofton sektori për Arsim në PDK,në Lipjan

LipjaniNews ka kontaktuar Drejtorin e DKA-së në Lipjan, Rasim Hasani ku ai ka mohuar këto akuza siç i ka quajtur deklaratë fëmijësh.

“Deklaratë fëmijesh e pa bazuar në fakte. Z. Astrit Buja i ka plotësuar të gjitha kushtet e konkursit dhe në këtë rast janë përfillur të gjitha kriteret ligjore për pozitën e drejtorit.”, tha Hasnai, për LipjaniNews.ocm

“Një foto e trajnimit për udheheqësi arsimore e z. Astrit Buja për të cilën kalamajtë e pdk-së gënjejnë se nuk e ka”, phon Hasani/LipjaniNews.com/