Kur të jeni të uritur nuk jeni të detyruar gjithmonë edhe të hani

Mjafton që në shami të qitni disa pika vaj aromatik vaniljeje dhe kur të ndieni që jeni të uritur, atë aromë thitheni.

Uria menjëherë do të zhduket, sepse aroma zmbraps këtë ndjenjë dhe ndikon në mënyrë qetësuese, theksojnë ekspertët e spitalit londinez St George’s, pas hulumtimeve të publikuara, transmeton Telegrafi.

Ata personave me peshë të tepërt kilogramësh, në lëkurë u kanë vënë flasterë të cilët lirojnë aromë vaniljeje, ndërsa pastaj kanë konstatuar që sulmet e urisë janë përgjysmuar.

Nga ana tjetër, gjermanët në hulumtimet e tyre kanë konstatuar që vanilja posedon edhe cilësi të fuqishme afrodiziake.

Aroma e saj është treguar si nxitje më e mirë për arritje të libidosë.

Prandaj, nëse i jeni ekspozuar ngjarjeve stresuese apo dëshironi të forconi libidonë, me vete gjithmonë bartni bishtajore vaniljeje dhe sipas nevojës merrni erë, këshillojnë ekspertët gjermanë. /Telegrafi/