Papa Françesku i ka lavdëruar shkencëtarët që janë duke punuar rreth tretmanëve të sëmundjeve gjenetike, por e ka dënuar çfarëdo përdorimi të embrioneve njerëzore në hulumtime shkencore.
“Ju inkurajoj që të vazhdoni me punën tuaj në një mënyrë që nuk kontribuon në ushqyerjen e ‘throwaway culture’ që nganjëherë është duke u ngulitur në botën e hulumtimit shkencor,” ka thënë Françesku në një ngjarje për rritjen e ndërgjegjes rreth sëmundjes “Huntington”, sëmundje degjenerative e trurit, transmeton Express.
“Ne e dimë se asnjë përfundim, madje as ai fisnik siç është pritja për ndonjë përfitim shkencor, për qeniet e tjera njerëzore apo për shoqërinë, nuk mund ta arsyetojë shkatërrimin e embrioneve njerëzore,” ka thënë ai.
Mijëra njerëz që vuajnë nga kjo sëmundje morën pjesë në këtë ngjarje në Vatikan bashkë me familjet e veta.
Kjo sëmundje është trashëguese dhe e pamundëson të ecurit, të folurit dhe gëlltitjen./Express/
