Një burrë nga Jemeni është dënuar për përdhunim dhe vrasjen e një vajze 4-vjeçare dhe është ekzekutuar para turmës së njerëzve në kryeqytetin Sanaa, përcjell Albeu.com.
Hussein al-Saket, 22 vjeç, u qëllua disa herë nga një oficer i policisë në sheshin Tahrir të qytetit.
Trupi i tij më pas u var nga maja e një vinçi për të parë e gjithë turma.
Rajeh Ezzedine, një gjyqtar që ndoqi ekzekutimin, tha se ai ishte shpallur fajtor për rrëmbimin, përdhunimin dhe vrasjen e një vajze të mitur.
Fotografitë tregojnë 22-vjeçarin të shtrirë në një qilim përpara se të ekzekutohet dhe trupin e tij të varur në një vinç, ndërsa shikuesit filmojnë dhe fotografojnë skenën me telefonat e tyre, shkruan Albeu.com.
Ky është ekzekutimi i dytë publik për një vepër të ngjashme në kryeqytetin e kontrolluar nga rebelët Shia Houthi në dy javët e fundit.
