Një zënkë mes tre personave ka përfunduar me vrasjen e një të riu në Mitrovicë. Ngjarja ndodhi pas mesnatës, ku 25 vjeçari me inicialet A.M, vdiq pasi u sulmua fizikisht me një mjet të mprehtë nga dy të dyshuar.

Gazetare: Ardita Rashiti

Për vrasjen e 25 vjeçarit janë të dyshuar dy persona, njëri prej tyre emër i njohur për Policinë e Kosovës Për këtë vrasje, Policia e Kosovës dha detajet fillestare në raportin 24-orësh.

Aty thuhej se fillimisht i riu u dërgua për trajtim në Spitalin Rajonal të Mitrovicës dhe se më pas u transferua për në QKUK, ku edhe vdiq.

Më vonë, Policia njoftoi se është bërë edhe identifikimi i të dyshuarve, të cilët mbesin në kërkim policor.

Të dyshuarit me inicialet L.B dhe A.Z po kërkohen për veprën penale “Vrasje”.

Mësohet se i dyshuari me inicialet L.B,  kishte qenë edhe më parë i arrestuar nga Policia e Kosovës dhe ka dosje kriminale.

Ndërsa, të dhëna të ngjashme nuk ka për të dyshuarin tjetër. 25 vjeçari është varrosur  në orën 15, në varrezat e qytetit në Shipol.