Shumë nga artistët shqiptarë kërkuan bojkotin e ‘Festës së Birrës’, ku do të këndonte këngëtari serb, Goran Bregoviq, gjersa disa prej tyre edhe e anuluan pjesëmarrjen në këtë eveniment siç ishte rasti me Capital T dhe Dafina Zeqirin.
Ndërkaq, për këtë ka reaguar edhe opinionisti Olti Curri.
Ai përmes një shkrimi të publikuar thotë se Bregoviq ka kënduar që në vitin 2006 në Shqipëri dhe se ai është boshnjak.
Ai po ashtu ka kritikuar artistët që kërkuan bojkotimin e koncertit ku do të këndonte Bregoviq.
“Tregojeni patriotizmin duke mos kopjuar muzike serbe ne studiot muzikore ku punoni. Tregoni patriotizëm duke mos i kënduar drogës, armeve dhe krimit. Pasi te jeni shqiptare dhe artiste me dinjitet, hapi i dyte eshte patriotizmi”, ka shkruar ai.
