Makina e vjetër mund të kthehet si një makinë elektrike.

Shefi i Opel, Michael Lohscheller mund të imagjinojë një rikthim të makinës Opel Manta – si një makinë moderne elektrike, transmeton Telegrafi.

“Ne kemi shumë ide se si mund ta rikthehemi në treg”, tha Lohscheller të mërkurën.

“Ne duam të bëjmë gjëra të mira që Opel ka bërë shumë edhe në të kaluarën – dhe kjo përfshin Manta -por tashmë në të ardhmen”, theksoi shefi i Opel.

“Ne duhet të bëjmë përpjekje të mëdha në Gjermani për të siguruar stacione të mjaftueshme për mbushje të makinës”, tha ai.

“Ne duam të shesim qindra mijëra makina elektrike, gjë që tani duhet të bëhet shpejt me zgjerimin e infrastrukturës së mbushjes”.

Lohscheller konfirmoi qëllimin e elektrizimit të Opel deri në vitin 2024. /Telegrafi/