OJQ POLIS ka publikuar infografiken ku paraqiten shpenzimet për dreka zyrtare dhe furnizim me ushqim dhe pije (dreka jo-zyrtare) ku janë të përmbledhura shpenzimet për secilin tremujor të vitit 2016.

Në infografikë këto shpenzime janë paraqitur në dy pjesë, si dreka zyrtare dhe jo zyrtare, shkruan POLIS.

“Për dreka zyrtare vetëm gjatë vitit 2016 janë të shpenzuara 15,205.66 euro. Në këtë shifër janë të paraqitura shpenzimet për dreka zyrtare të Zyres së Kryetarit, Zyres së Kuvendit Komunal dhe të gjitha Drejtorive të Komunës së Lipjanit”, thuhet më tej.

“Ndërsa për furnizime me ushqim dhe pije apo dreka jo zyrtare janë të shpenzuara 31,175.97 euro. Në këtë kategori të shpenzimeve pjesa më e madhe e shpenzimeve është furnizim me ushqim dhe pije për Çerdhen në Lipjan dhe Shërbime Rezidenciale. Mirëpo në këtë vlerë të shpenzimeve hyjnë edhe disa nga drejtoratet të cilat kanë bërë shpenzime në këtë kategori të shpenzimeve”, thotë POLIS-si. /LipjaniNews.com/