Nxehet situata para sfidës, Guardiola ia kthen Mourinhos: “Ndoshta ai është doktor”

 Nxehet situata para sfidës, Guardiola ia kthen Mourinhos: “Ndoshta ai është doktor”

Pep Guardiola i është kundërpërgjigjur Jose Mourinhos, që tha ditë më parë se Manchester City i ka bërë presion trajnerit të Anglisë, Gareth Southgate, për ta liruar më herët Raheem Sterlingun para ndeshjes të së shtunës.

Mourinho, që mbushi një vit në stolin e Tottenham dhe Guardiola që ditë më parë rinovoi deri më 2023, do të përballen sonte në kuadër të Premierligës nga ora 18:30.

“Mourinho duhet të shkojë të flasë me doktorët e ekipit kombëtar të Anglisë dhe me ata të Manchester City”, tha Guardiola.

“Ai duhet të flas me doktorët, vetëm nëse Mourinho ndoshta është doktor. Nuk e di”.

“S’do të përgjigjem më asgjë për Jose. E thash atë për doktor sepse ai na ka akuzuar për diçka që nuk është e vërtetë, kështu që ai duhet të flasë me doktorët për këtë gjë”. /Gazeta Express/

LipjaniNews.com