Edhe pse ju duket shumë e thjeshtë, mund të jetë goxha e efektshme. Juve si ju duket?

Edhe pse na duket tepër e mirë për të qenë e vërtetë, duket që vërtet ekziston receta e përsosur për stomak të rrafshët – dhe të gjithë përbërësit me siguri aktualisht i keni në kuzhinat tuaja, transmeton Telegrafi.

Sipas konstatimeve të ekspertëve për STEP-in2, ekziston një recetë ultimative dhe më e mirë për ujë vitaminoz e cila na ndihmon që të eliminojmë dhjamin nga stomaku, mirëpo edhe fryrjen dhe stomaku ynë bëhet i rrafshët mu ashtu siç kemi dëshiruar gjithmonë.

Të gjithë përbërësit që do t’ju nevojiten për këtë recetë të thjeshtë nuk kushtojnë më shumë, ndërkaq trupi juaj do të jetë posaçërisht falënderues nëse këtë ujë do ta konsumoni rregullisht. Dhe me këtë rast, në rend të parë, mendojmë për stomakun tuaj.

Përbërësit e nevojshëm:

– gjashtë gota ujë,
– një lugë e madhe xhenxhefil,
– një kastravec i freskët i prerë në rrathë,
– një limon gjithashtu i prerë në rrathë,
– gjysmë gote fletë mente.

Këta përbërës bashkoni dhe qitni në një enë të madhe apo në një kavanoz dhe lini të qëndrojnë tërë natën.

Pastaj, të nesërmen, uji vitaminoz do të jetë i gatshëm për përdorim, do t’ju mbajë të ngopur, do t’ju ndihmojë t’i nxirrni nga trupi toksina, do t’ju ndihmojë në hidratimin dhe me sukses do të humbni kilogramët e tepërt.

A jeni të gatshme ta provoni?