Zëvendës-sekretarja amerikane e Shtetit, Victoria Nuland është duke qëndruar në Kosovë, ku tashmë ka pasur disa takime me udhëheqësit e institucioneve.
Fillimisht, ajo ka takuar presidentin e vendit, Hashim Thaçi ndërsa më pas është takuar edhe me kreun e Kuvendit të Kosovës, Kadri Veseli.
Takimet e Nuland si me Thaçin ashtu edhe me Veselin kanë qenë takime me dyer të mbylluar dhe nuk ka pasur deklarime për media, njofton Klan Kosova.
Megjithatë, merret vesh se ndër temat kryesore që është diskutuar në këto takime me zëvendës-sekretaren e shtetit amerikan, ka qenë formimi i Forcës së Armatosur.
Ajo sapo ka nisur takimin me kryeministrin Isa Mustafa, njofton Klan Kosova.
E pyetur nga Klan Kosova për qëllimin e vizitës së saj, ajo ka thënë se “ka shumë tema për të biseduar me kryeministrin Isa Mustafa”.
